Ռեալիթի շոու, որտեղ 6 կին և 6 տղամարդ մասնակցում են յուրօրինակ ժամադրությունների և պայքարում 20․000․000 դրամ մրցանակային ֆոնդի համար։ Նկարահանումները տեղի են ունենում շքեղ առանձնատանը. մասնակիցներն այնտեղ ապրում են միասին՝ առանց հեռախոսի և ինտերնետի հասանելիության։ Ժամադրությունների ընթացքում մասնակիցները կբացահայտեն Հայաստանի տեսարժան վայրերն այլ դիտանկյունից: Համատեղ կենցաղի, խաղերի ու մրցույթների միջոցով նրանք միմյանց ու դիտողին ներկայացնում են իրենց ունակություններն ու մարդկային հատկանիշները, ձեռք բերում ընկերներ կամ հակառակորդներ, երկրպագուներ կամ պարզապես զայրացնում բոլորին:   Վիճակահանության սկզբունքով ընտրված զույգերի համար կազմակերպված անսովոր ու հետաքրքիր ժամադրությունները մասնակիցներին թույլ են տալիս ավելի լավ ծանոթանալ իրար հետ, նաև ամեն ժամադրությունից հետո զույգին գնահատել միավորների հատուկ համակարգի միջոցով։ Դե իսկ շոուի վերջում նրանց սպասվում է 20․000․000 դրամ, սակայն մասնակիցները ոչ միայն չգիտեն, թե ով է հաղթելու, այլև չգիտեն, թե ինչ է պետք անել դրա համար: Փոքրիկ հուշում՝ եղեք իրական, մի կեղծեք ձեր «ես»–ը, մի նահանջեք ձեր սկզբունքներից, և հաջողությունը երկար սպասեցնել չի տա: